RAIS DKT. SAMIA AIHAMISHA SEKTA YA HABARI KUTOKA WIZARA YA MAWASILIANO KWENDA WIZARA YA UTAMADUNI NA MICHEZO

-


Rais wa Jamhuri ya Muungano wa Tanzania, Mhe. Dkt. Samia Suluhu Hassan, leo Disemba 8, 2024 ametangaza mabadiliko ya kiutendaji kwa kuihamisha Sekta ya Habari kutoka Wizara ya Habari, Mawasiliano na Teknolojia ya Habari kwenda Wizara ya Utamaduni, Sanaa na Michezo.

Aidha  Dkt. Samia sambamba na hilo amefanya uteuzi na mabadiliko ya viongozi mbalimbali. Kwa mujibu wa taarifa iliyotolewa na Katibu Mkuu Kiongozi, Balozi Dkt.Moses Kusiluka, uteuzi na mabadiliko hayo ni kama ifuatavyo:

MAWAZIRI WALIOTEULIWA

 2. Mhe. Prof. Palamagamba John Aidan Mwaluko Kabudi (Mb.):
Waziri wa Habari, Utamaduni, Sanaa na Michezo.
 3. Mhe. Jerry William Silaa (Mb.):
Waziri wa Mawasiliano na Teknolojia ya Habari.
 4. Mhe. Dkt. Damas Daniel Ndumbaro (Mb.):
Waziri wa Katiba na Sheria.
 5. Mhe. Mhandisi Hamad Yusuf Masauni (Mb.):
Waziri wa Nchi, Ofisi ya Makamu wa Rais (Muungano na Mazingira).
 6. Mhe. Dkt. Ashatu Kachwamba Kijaji (Mb.):
Waziri wa Mifugo na Uvuvi.
 7. Mhe. Abdallah Hamis Ulega (Mb.):
Waziri wa Ujenzi.
 8. Mhe. Innocent Lugha Bashungwa (Mb.):
Waziri wa Mambo ya Ndani ya Nchi.

WATEULE WENGINE

 9. Bw. Gerson Msigwa:
Katibu Mkuu, Wizara ya Habari, Utamaduni, Sanaa na Michezo, na Msemaji Mkuu wa Serikali.
 10. Dkt. James Henry Kilabuko:
Naibu Katibu Mkuu, Ofisi ya Waziri Mkuu (Sera, Bunge na Uratibu).
 11. Dkt. Stephen Justice Nindi:
Naibu Katibu Mkuu, Wizara ya Kilimo anayeshughulikia masuala ya ushirika na umwagiliaji.
 12. Dkt. Suleiman Hassan Serera:
Naibu Katibu Mkuu, Wizara ya Viwanda na Biashara (amehamishwa kutoka Wizara ya Kilimo).

BALOZI WALIOTEULIWA

 13. Bw. Anderson Gukwi Mutatembwa:
Balozi, atapangiwa kituo cha kazi.
 14. Bw. Mobhare Matinyi:
Balozi, atapangiwa kituo cha kazi.
 15. Kamishna wa Polisi Zanzibar CP. Hamad Khamis Hamad:
Balozi, atapangiwa kituo cha kazi.
 16. Kamishna wa Polisi CP. Suzan Kaganda:
Balozi, atapangiwa kituo cha kazi.
 17. Bw. Thobias Makoba:
Balozi, atapangiwa kituo cha kazi (aliyekuwa Msemaji Mkuu wa Serikali).

WATEULE WA NYADHIFA NYINGINE

 18. Prof. Mohamed Yakub Janabi:
Mshauri wa Rais Masuala ya Afya na Tiba. Ataendelea pia kuwa Mkurugenzi Mtendaji wa Hospitali ya Taifa Muhimbili.

UAPISHO

Uapisho wa viongozi walioteuliwa utafanyika Ikulu Ndogo, Tunguu Zanzibar tarehe 10 Desemba, 2024 kuanzia saa 5:00 asubuhi.

Aidha, Mabadiliko haya yanalenga kuimarisha utendaji wa Serikali katika kuhudumia wananchi na kusimamia maendeleo ya taifa.

Comments

Post a Comment

Popular posts from this blog

RAIS SAMIA AHIMIZA MALEZI BORA KWA WATOTO

-
Image
Waziri wa Mifugo na Uvuvi Mhe. Dkt. Ashatu Kijaji ametaka wazazi na walezi wa watoto kutekeleza vyema majukumu yao katika malezi ili shule ziwe na watoto wenye nidhamu na maadili kwa kuwaandaa kuwa wataalamu na viongozi. Waziri Mhe. Dkt. Kijaji amesema hayo tarehe (09.01.2024) wakati alipofanya ziara ya kikazi ya kutembelea, kukagua na kuweka mawe ya msingi ya miradi ya ujenzi ya madarasa na matundu ya vyoo katika shule za sekondari za Nyerere, Semkiwa, Makorola, na Foroforo zilizopo Wilaya ya Korogwe Mkoani Tanga. Amewakumbusha wazazi na walezi kufuata maelekezo ya Rais wa Jamhuri ya Muungano wa Tanzania Mhe. Dkt. Samia Suluhu Hassan kuchukua jukumu la kulea watoto kwa kusimama katika nafasi zao ili shule zinazojengwa zipate watoto wenye nidhamu na malezi bora. Waziri wa Mifugo na Uvuvi Mhe. Dkt. Ashatu Kijaji anafanya ziara ya kikazi ya siku tano Mkoani Tanga ambapo tayari amefanya ziara ya siku mbili katika Wilaya ya Lushoto na sasa yupo katika Wilaya ya Korogwe akimwakilisha Rais w...
Read more

SERIKALI YAHAKIKISHA USAFIRI BORA BRT AWAMU YA PILI

-
Image
 Serikali ya Tanzania inatarajia kupokea mabasi 250 yanayotumia gesi asilia (CNG) kutoka China ndani ya miezi mitatu ijayo, hatua inayofungua njia kwa kuanza kwa huduma za Usafiri wa Mabasi Yaendayo Haraka (BRT) Awamu ya Pili jijini Dar es Salaam. Mabasi haya yameundwa kwa teknolojia rafiki kwa mazingira, yakilenga kupunguza gharama za mafuta, kupunguza uzalishaji wa hewa ukaa, na kuimarisha ubora wa hewa katika jiji hilo. Hatua hii ni sehemu ya juhudi za Tanzania kuelekea mfumo wa usafiri wa umma unaoendana na maendeleo endelevu. Awamu ya Pili ya mradi wa BRT, iliyokamilika kwa gharama ya dola milioni 160, ilianza ujenzi mwaka 2019 na sasa imekamilika. Njia hii inahusisha kilomita 20.3, ikianzia Gerezani na kupitia Kivukoni hadi Kawawa Kusini. Mradi huu umefadhiliwa kwa ushirikiano wa Benki ya Maendeleo ya Afrika (AfDB) na Serikali ya Tanzania. Mkurugenzi Mtendaji wa DART, kwa kushirikiana na mamlaka husika, amepewa jukumu la kuhakikisha mabasi haya yanaanza kutoa huduma mara tu y...
Read more

RAIS WA CABO VERDE ASISITIZA UTAWALA BORA NA ULIPAJI FIDIA KWA AFRIKA KATIKA UFUNGUZI WA MWAKA MPYA WA MAHAKAMA YA AFRIKA JIJINI ARUSHA

-
Image
Rais wa Jamhuri ya Cabo Verde, Mhe. José Maria Pereira Neves, amezihimiza nchi za Afrika kuimarisha demokrasia na utawala bora ili kuepuka kurudia makosa ya kihistoria yaliyoletwa na ukoloni, ambayo hadi sasa yameziacha baadhi ya nchi zikiendelea kudai fidia. Mhe. Neves alitoa kauli hiyo alipokuwa mgeni rasmi katika ufunguzi wa Mwaka Mpya wa Mahakama ya Umoja wa Afrika ya Haki za Binadamu na Watu, hafla iliyofanyika jijini Arusha. Alionya kuwa migogoro inayoendelea kushuhudiwa barani Afrika inaathiri maendeleo ya kijamii, huku sababu kuu ikiwa ni ukosefu wa haki za binadamu na uongozi bora. “Naipongeza Mahakama ya Umoja wa Afrika ya Haki za Binadamu na Watu kwa kuchagua kaulimbiu inayosisitiza ulipaji wa fidia kama njia ya kuendeleza haki kwa watu wa Afrika. Hata hivyo, fidia ni zaidi ya malipo ya kifedha—ni mchakato wa uponyaji wa majeraha ya kihistoria. Hatutakiwi kuishia kulaani na kukemea tu, bali tunapaswa kuchukua hatua za kweli. Vinginevyo, vizazi vijavyo vitadai fidia si kwa wa...
Read more