JAFO AANIKA MPANGO WA UJENZI WA VIWANDA 9,048

-


Waziri wa Viwanda na biashara Mhe. Dkt. Seleman Jafo ameweka wazi mpango wa serikali wa kujenga viwanda 9,048 kote nchini. 


Waziri Jafo alitoa kauli hiyo tarehe 2 Januari 2025 wakati akizungumza katika mkutano wa wadau wa maendeleo ya viwanda uliofanyika katika Ukumbi wa Mikutano wa Jakaya Kikwete, jijini Dodoma. Katika hotuba yake, Waziri Jafo alisisitiza umuhimu wa ushirikiano kati ya serikali na sekta binafsi katika kufanikisha malengo ya mpango huo wa viwanda 9,048.


Mpango huu ni sehemu ya jitihada za kukuza uchumi wa viwanda na kuongeza fursa za ajira kwa wananchi.


Waziri Jafo alieleza kuwa viwanda hivyo vitahusisha sekta mbalimbali, ikiwemo usindikaji wa mazao ya kilimo, ufugaji, uvuvi, na uzalishaji wa bidhaa za viwandani. Alisema kuwa lengo ni kuhakikisha kila halmashauri inajenga angalau viwanda vitano vinavyoendana na rasilimali zilizopo katika maeneo husika , amesema katika mwaka 2025 kipaumbele kikubwa ni pamoja na kuzindua mpango wa Miaka mitano kuanzia mwaka 2025 hadi 2030  wa ujenzi wa viwanda 9,048.

Mpango huu ndani ya miaka mitano utakwenda katika mikoa na mamlaka ya serikali za mitaa, lengo kuajiri watu milioni 6.5 ambao ni wastani wa watu zaidi ya milioni moja kwa mkupitia mpango huo utakwenda kutatua changamoto ya ajira, upatikanaji wa  malighafi na kuhakikisha bidhaa zinazozalishwa zinaongeza thamani nchini.


Aidha Dktl. Jafo amesema  biashara ni uti wa mgongo wa taifa  hivyo mwaka 2024 ulikuwa wa mafanikio zaidi  kwani Serikali kupitia Wizara ya Viwanda na Biashara iliweza kuzindua sera ya biashara ya mwaka 2023, kuwa na mikakati ya pamoja ya jinsi ya ushiriki wa uchumi wa taifa pamoja na kuhamasisha wawekezaji kujiingiza zaidi katika suala la viwanda ili kutoa ajira kwani  Serikali pekee haiwezi kuajiri vijana wote wanaomaliza vyuo na si Serikali ya Tanzania tu hata nyinginezo duniani , hivyo ni lazima kuwa na sehemu nyingine mbadala ya kupata ajira hasa sekta binafsi kupitia viwanda.


Dkt.Jafo pia amesema Serikali ya Tanzania kwa mara ya kwanza ilisaini mkataba wa uwekezaji  Maganga Matitu wa uzalishaji wa chuma ambapo ni jambo kubwa sana kwani litafanya kupiga hatua kwa  sababu Tanzania inafanya uzalishaji wa chuma lakini viwanda vya chuma vina changamoto mbalimbali za kimiundombinu.


Vilevile Dkt.Jafo amemshukuru Rais wa Jamhuri ya Muungano wa Tanzania Mhe.Dkt.Samia Suluhu Hassan kwa kutoa fedha za ulipaji fidia ya sh. bilioni 15 katilka mradi wa Liganga na Mchuchuma baada ya kufanya tathmini, pia amesema Serikali itatengeneza kiwanda cha msingi cha utengenezaji wa magadi soda ambayo ni malighafi ya viwanda vingi.


Dkt.Jafo pia amewataka Watanzania kujua umuhimu wa kutumia bidhaa za ndani kuwawezesha vijana kupata ajira na kustawisha viwanda nchini na kuchangamkia soko huru la Afrika kwa zaidi ya nchi 50.






Kwa mujibu wa mpango huo:

• Viwanda vya kilimo vitazingatia mazao kama mahindi, mpunga, na korosho.

• Sekta ya ufugaji itajumuisha uzalishaji wa maziwa, nyama, na ngozi.

• Sekta ya uvuvi itaweka mkazo kwenye usindikaji wa samaki na mazao ya baharini.


Waziri Jafo alisisitiza ushirikiano kati ya serikali, sekta binafsi, na wananchi katika kufanikisha mpango huu. Pia alibainisha kuwa serikali itatoa mafunzo kwa vijana na wanawake ili kuhakikisha wanapata ujuzi wa kushiriki kikamilifu katika shughuli za uzalishaji viwandani.


Mpango huu unalenga kuongeza thamani ya mazao ya ndani, kupunguza uagizaji wa bidhaa kutoka nje, na kuinua uchumi wa taifa kupitia viwanda vidogo na vya kati. Serikali ina matumaini kuwa mpango huu utafungua ukurasa mpya wa maendeleo kwa wananchi na taifa kwa ujumla.

Comments

Post a Comment

Popular posts from this blog

RAIS SAMIA AHIMIZA MALEZI BORA KWA WATOTO

-
Image
Waziri wa Mifugo na Uvuvi Mhe. Dkt. Ashatu Kijaji ametaka wazazi na walezi wa watoto kutekeleza vyema majukumu yao katika malezi ili shule ziwe na watoto wenye nidhamu na maadili kwa kuwaandaa kuwa wataalamu na viongozi. Waziri Mhe. Dkt. Kijaji amesema hayo tarehe (09.01.2024) wakati alipofanya ziara ya kikazi ya kutembelea, kukagua na kuweka mawe ya msingi ya miradi ya ujenzi ya madarasa na matundu ya vyoo katika shule za sekondari za Nyerere, Semkiwa, Makorola, na Foroforo zilizopo Wilaya ya Korogwe Mkoani Tanga. Amewakumbusha wazazi na walezi kufuata maelekezo ya Rais wa Jamhuri ya Muungano wa Tanzania Mhe. Dkt. Samia Suluhu Hassan kuchukua jukumu la kulea watoto kwa kusimama katika nafasi zao ili shule zinazojengwa zipate watoto wenye nidhamu na malezi bora. Waziri wa Mifugo na Uvuvi Mhe. Dkt. Ashatu Kijaji anafanya ziara ya kikazi ya siku tano Mkoani Tanga ambapo tayari amefanya ziara ya siku mbili katika Wilaya ya Lushoto na sasa yupo katika Wilaya ya Korogwe akimwakilisha Rais w...
Read more

SERIKALI YAHAKIKISHA USAFIRI BORA BRT AWAMU YA PILI

-
Image
 Serikali ya Tanzania inatarajia kupokea mabasi 250 yanayotumia gesi asilia (CNG) kutoka China ndani ya miezi mitatu ijayo, hatua inayofungua njia kwa kuanza kwa huduma za Usafiri wa Mabasi Yaendayo Haraka (BRT) Awamu ya Pili jijini Dar es Salaam. Mabasi haya yameundwa kwa teknolojia rafiki kwa mazingira, yakilenga kupunguza gharama za mafuta, kupunguza uzalishaji wa hewa ukaa, na kuimarisha ubora wa hewa katika jiji hilo. Hatua hii ni sehemu ya juhudi za Tanzania kuelekea mfumo wa usafiri wa umma unaoendana na maendeleo endelevu. Awamu ya Pili ya mradi wa BRT, iliyokamilika kwa gharama ya dola milioni 160, ilianza ujenzi mwaka 2019 na sasa imekamilika. Njia hii inahusisha kilomita 20.3, ikianzia Gerezani na kupitia Kivukoni hadi Kawawa Kusini. Mradi huu umefadhiliwa kwa ushirikiano wa Benki ya Maendeleo ya Afrika (AfDB) na Serikali ya Tanzania. Mkurugenzi Mtendaji wa DART, kwa kushirikiana na mamlaka husika, amepewa jukumu la kuhakikisha mabasi haya yanaanza kutoa huduma mara tu y...
Read more

RAIS WA CABO VERDE ASISITIZA UTAWALA BORA NA ULIPAJI FIDIA KWA AFRIKA KATIKA UFUNGUZI WA MWAKA MPYA WA MAHAKAMA YA AFRIKA JIJINI ARUSHA

-
Image
Rais wa Jamhuri ya Cabo Verde, Mhe. José Maria Pereira Neves, amezihimiza nchi za Afrika kuimarisha demokrasia na utawala bora ili kuepuka kurudia makosa ya kihistoria yaliyoletwa na ukoloni, ambayo hadi sasa yameziacha baadhi ya nchi zikiendelea kudai fidia. Mhe. Neves alitoa kauli hiyo alipokuwa mgeni rasmi katika ufunguzi wa Mwaka Mpya wa Mahakama ya Umoja wa Afrika ya Haki za Binadamu na Watu, hafla iliyofanyika jijini Arusha. Alionya kuwa migogoro inayoendelea kushuhudiwa barani Afrika inaathiri maendeleo ya kijamii, huku sababu kuu ikiwa ni ukosefu wa haki za binadamu na uongozi bora. “Naipongeza Mahakama ya Umoja wa Afrika ya Haki za Binadamu na Watu kwa kuchagua kaulimbiu inayosisitiza ulipaji wa fidia kama njia ya kuendeleza haki kwa watu wa Afrika. Hata hivyo, fidia ni zaidi ya malipo ya kifedha—ni mchakato wa uponyaji wa majeraha ya kihistoria. Hatutakiwi kuishia kulaani na kukemea tu, bali tunapaswa kuchukua hatua za kweli. Vinginevyo, vizazi vijavyo vitadai fidia si kwa wa...
Read more