RAIS DKT. SAMIA AZINDUA HOTELI YA KITALII YA NYOTA 5 ZANZIBAR, AJIRA ZAIDI YA 400 ZATARAJIWA

-


Rais wa Jamhuri ya Muungano wa Tanzania Daktari Samia Suluhu Hassan leo Januari 7, 2025 ameizindua rasmi Hoteli ya Kitalii ya Bawe Island, inayomilikiwa na Cocoon Collection, katika Kisiwa cha Bawe, Zanzibar. Hoteli hii ya nyota tano, yenye vyumba zaidi ya 100, inatarajiwa kuleta ajira zaidi ya 450 kwa Watanzania, ikiwemo nafasi za ajira wakati wa ujenzi na uendeshaji.


Akizungumza wakati wa uzinduzi huo, Rais Samia amesisitiza umuhimu wa wawekezaji kuendeleza miradi yao kwa wakati. Pia ameunga mkono kauli ya Rais wa Zanzibar, Dk. Hussein Mwinyi, ya kuwapa miezi mitatu wawekezaji ambao hawajaanza ujenzi wa miradi yao visiwani, huku akionya kuwa visiwa vitarejeshwa serikalini ili kutafuta wawekezaji wapya.


Uwekezaji wa hoteli hii umegharimu dola za Marekani milioni 42 (takriban shilingi bilioni 104). Rais Samia alibainisha kuwa hoteli hiyo itachangia kwa kiasi kikubwa kukuza uchumi wa Zanzibar kupitia ajira, mapato ya kodi, na kuvutia watalii wengi zaidi. Aidha, mradi huu unajumuisha miradi ya nishati jadidifu kama umeme wa jua na mifumo ya kuchuja maji ya chumvi kwa matumizi ya hoteli.


Kwa upande wake, Rais wa Zanzibar, Dk. Hussein Mwinyi, alisisitiza faida za uwekezaji huo kwa wananchi, ikiwa ni pamoja na fursa za ajira na soko la bidhaa za ndani. Wavuvi wa Zanzibar wanatarajiwa kunufaika moja kwa moja kwa kuuza samaki kwa hoteli hiyo. Rais Mwinyi aliwataka wananchi kujiendeleza kielimu ili waweze kutumia fursa zinazotokana na ongezeko la hoteli na watalii Zanzibar.


Uzinduzi wa hoteli hii ni sehemu ya juhudi za Serikali ya Mapinduzi ya Zanzibar kuboresha sekta ya utalii na kuvutia wawekezaji zaidi visiwani humo.


 

Comments

Post a Comment

Popular posts from this blog

RAIS SAMIA AHIMIZA MALEZI BORA KWA WATOTO

-
Image
Waziri wa Mifugo na Uvuvi Mhe. Dkt. Ashatu Kijaji ametaka wazazi na walezi wa watoto kutekeleza vyema majukumu yao katika malezi ili shule ziwe na watoto wenye nidhamu na maadili kwa kuwaandaa kuwa wataalamu na viongozi. Waziri Mhe. Dkt. Kijaji amesema hayo tarehe (09.01.2024) wakati alipofanya ziara ya kikazi ya kutembelea, kukagua na kuweka mawe ya msingi ya miradi ya ujenzi ya madarasa na matundu ya vyoo katika shule za sekondari za Nyerere, Semkiwa, Makorola, na Foroforo zilizopo Wilaya ya Korogwe Mkoani Tanga. Amewakumbusha wazazi na walezi kufuata maelekezo ya Rais wa Jamhuri ya Muungano wa Tanzania Mhe. Dkt. Samia Suluhu Hassan kuchukua jukumu la kulea watoto kwa kusimama katika nafasi zao ili shule zinazojengwa zipate watoto wenye nidhamu na malezi bora. Waziri wa Mifugo na Uvuvi Mhe. Dkt. Ashatu Kijaji anafanya ziara ya kikazi ya siku tano Mkoani Tanga ambapo tayari amefanya ziara ya siku mbili katika Wilaya ya Lushoto na sasa yupo katika Wilaya ya Korogwe akimwakilisha Rais w...
Read more

SERIKALI YAHAKIKISHA USAFIRI BORA BRT AWAMU YA PILI

-
Image
 Serikali ya Tanzania inatarajia kupokea mabasi 250 yanayotumia gesi asilia (CNG) kutoka China ndani ya miezi mitatu ijayo, hatua inayofungua njia kwa kuanza kwa huduma za Usafiri wa Mabasi Yaendayo Haraka (BRT) Awamu ya Pili jijini Dar es Salaam. Mabasi haya yameundwa kwa teknolojia rafiki kwa mazingira, yakilenga kupunguza gharama za mafuta, kupunguza uzalishaji wa hewa ukaa, na kuimarisha ubora wa hewa katika jiji hilo. Hatua hii ni sehemu ya juhudi za Tanzania kuelekea mfumo wa usafiri wa umma unaoendana na maendeleo endelevu. Awamu ya Pili ya mradi wa BRT, iliyokamilika kwa gharama ya dola milioni 160, ilianza ujenzi mwaka 2019 na sasa imekamilika. Njia hii inahusisha kilomita 20.3, ikianzia Gerezani na kupitia Kivukoni hadi Kawawa Kusini. Mradi huu umefadhiliwa kwa ushirikiano wa Benki ya Maendeleo ya Afrika (AfDB) na Serikali ya Tanzania. Mkurugenzi Mtendaji wa DART, kwa kushirikiana na mamlaka husika, amepewa jukumu la kuhakikisha mabasi haya yanaanza kutoa huduma mara tu y...
Read more

RAIS WA CABO VERDE ASISITIZA UTAWALA BORA NA ULIPAJI FIDIA KWA AFRIKA KATIKA UFUNGUZI WA MWAKA MPYA WA MAHAKAMA YA AFRIKA JIJINI ARUSHA

-
Image
Rais wa Jamhuri ya Cabo Verde, Mhe. José Maria Pereira Neves, amezihimiza nchi za Afrika kuimarisha demokrasia na utawala bora ili kuepuka kurudia makosa ya kihistoria yaliyoletwa na ukoloni, ambayo hadi sasa yameziacha baadhi ya nchi zikiendelea kudai fidia. Mhe. Neves alitoa kauli hiyo alipokuwa mgeni rasmi katika ufunguzi wa Mwaka Mpya wa Mahakama ya Umoja wa Afrika ya Haki za Binadamu na Watu, hafla iliyofanyika jijini Arusha. Alionya kuwa migogoro inayoendelea kushuhudiwa barani Afrika inaathiri maendeleo ya kijamii, huku sababu kuu ikiwa ni ukosefu wa haki za binadamu na uongozi bora. “Naipongeza Mahakama ya Umoja wa Afrika ya Haki za Binadamu na Watu kwa kuchagua kaulimbiu inayosisitiza ulipaji wa fidia kama njia ya kuendeleza haki kwa watu wa Afrika. Hata hivyo, fidia ni zaidi ya malipo ya kifedha—ni mchakato wa uponyaji wa majeraha ya kihistoria. Hatutakiwi kuishia kulaani na kukemea tu, bali tunapaswa kuchukua hatua za kweli. Vinginevyo, vizazi vijavyo vitadai fidia si kwa wa...
Read more