WAKUU WA NCHI NA SERIKALI AFRIKA WAIPA KONGOLE TANZANIA KWA UZALISHAJI BORA WA MAZAO YA CHAKULA

-


Rais Museveni asifu ubora wa mchele wa Tanzania, atoa wito wa ushindani wa ubora.


WAZIRI MKUU Kassim Majaliwa amesema viongozi wa Afrika wamepongeza hatua madhubuti zilizowekwa na Tanzania katika uzalishaji wa mazao ya chakula yenye ubora wa hali ya juu, hususan mpunga na mahindi.


Akizungumza leo (Jumamosi, Januari 11, 2025) kwa niaba ya Rais Dkt. Samia Suluhu Hassan kwenye Mkutano Maalum wa Wakuu wa Nchi na Serikali wa Umoja wa Afrika uliofanyika katika kituo cha mikutano cha Speke Resort, Munyonyo, Kampala, Uganda, Mheshimiwa Majaliwa alieleza kuwa Tanzania itaendelea kuimarisha masuala ya utafiti, ushirikiano na sekta binafsi pamoja na taasisi za umma zinazojishughulisha na kilimo ili kuhakikisha inabaki kuwa kiongozi wa uzalishaji wa chakula barani Afrika.


Aidha, Waziri Mkuu alibainisha kuwa Tanzania imepokea kwa faraja kauli za viongozi wa Afrika, akiwemo Rais wa Uganda, Yoweri Kaguta Museveni, aliyesifu mchele wa Tanzania kwa ubora wake wa hali ya juu. “Haya ni mafanikio makubwa kwa sekta ya kilimo nchini,” alisema Waziri Mkuu.


Rais Museveni, wakati wa hotuba yake, alisema: “Natamani watu washindane kwa ubora katika uzalishaji wa mazao. Kwa mfano, mchele wa Tanzania ni bora zaidi na gharama yake ni nafuu. Kuna wakati walitaka nizuie usiingie nchini kwangu, lakini nikasisitiza ushindani wa bidhaa bora badala ya kuzuia.”


Kauli hiyo, kwa mujibu wa Waziri Mkuu Majaliwa, inatoa fursa kwa mataifa mengine barani Afrika kununua mazao ya chakula kutoka Tanzania, hasa mpunga.


Mheshimiwa Majaliwa alisisitiza kuwa Serikali ya Tanzania imeweka mikakati madhubuti ya kuhakikisha kilimo hakibaki cha kujikimu pekee bali kinakuwa cha kibiashara. “Kwa sasa tunalenga kuzalisha chakula cha kutosha kwa matumizi ya ndani na kuuza ziada nje ya nchi.”


Kwa upande mwingine, Rais Museveni alitoa wito kwa viongozi wa Afrika kuongeza thamani ya mazao kabla ya kuyauza ili kukuza uchumi na kuongeza ajira kwa vijana. Alitoa mfano wa zao la kahawa nchini Uganda, ambalo kilo moja ya kahawa ghafi huuzwa kwa dola mbili za Marekani, lakini baada ya kuchakatwa huuzwa kwa dola 40.


Kwa ujumla, mkutano huo ulilenga kuimarisha ushirikiano wa kilimo barani Afrika kupitia Programu ya Kuendeleza Kilimo Barani Afrika (CAADP 2026-2035) ili kuhakikisha Afrika inakuwa na uhakika wa chakula na inashindana katika soko la kimataifa.



 

Comments

Post a Comment

Popular posts from this blog

RAIS SAMIA AHIMIZA MALEZI BORA KWA WATOTO

-
Image
Waziri wa Mifugo na Uvuvi Mhe. Dkt. Ashatu Kijaji ametaka wazazi na walezi wa watoto kutekeleza vyema majukumu yao katika malezi ili shule ziwe na watoto wenye nidhamu na maadili kwa kuwaandaa kuwa wataalamu na viongozi. Waziri Mhe. Dkt. Kijaji amesema hayo tarehe (09.01.2024) wakati alipofanya ziara ya kikazi ya kutembelea, kukagua na kuweka mawe ya msingi ya miradi ya ujenzi ya madarasa na matundu ya vyoo katika shule za sekondari za Nyerere, Semkiwa, Makorola, na Foroforo zilizopo Wilaya ya Korogwe Mkoani Tanga. Amewakumbusha wazazi na walezi kufuata maelekezo ya Rais wa Jamhuri ya Muungano wa Tanzania Mhe. Dkt. Samia Suluhu Hassan kuchukua jukumu la kulea watoto kwa kusimama katika nafasi zao ili shule zinazojengwa zipate watoto wenye nidhamu na malezi bora. Waziri wa Mifugo na Uvuvi Mhe. Dkt. Ashatu Kijaji anafanya ziara ya kikazi ya siku tano Mkoani Tanga ambapo tayari amefanya ziara ya siku mbili katika Wilaya ya Lushoto na sasa yupo katika Wilaya ya Korogwe akimwakilisha Rais w...
Read more

SERIKALI YAHAKIKISHA USAFIRI BORA BRT AWAMU YA PILI

-
Image
 Serikali ya Tanzania inatarajia kupokea mabasi 250 yanayotumia gesi asilia (CNG) kutoka China ndani ya miezi mitatu ijayo, hatua inayofungua njia kwa kuanza kwa huduma za Usafiri wa Mabasi Yaendayo Haraka (BRT) Awamu ya Pili jijini Dar es Salaam. Mabasi haya yameundwa kwa teknolojia rafiki kwa mazingira, yakilenga kupunguza gharama za mafuta, kupunguza uzalishaji wa hewa ukaa, na kuimarisha ubora wa hewa katika jiji hilo. Hatua hii ni sehemu ya juhudi za Tanzania kuelekea mfumo wa usafiri wa umma unaoendana na maendeleo endelevu. Awamu ya Pili ya mradi wa BRT, iliyokamilika kwa gharama ya dola milioni 160, ilianza ujenzi mwaka 2019 na sasa imekamilika. Njia hii inahusisha kilomita 20.3, ikianzia Gerezani na kupitia Kivukoni hadi Kawawa Kusini. Mradi huu umefadhiliwa kwa ushirikiano wa Benki ya Maendeleo ya Afrika (AfDB) na Serikali ya Tanzania. Mkurugenzi Mtendaji wa DART, kwa kushirikiana na mamlaka husika, amepewa jukumu la kuhakikisha mabasi haya yanaanza kutoa huduma mara tu y...
Read more

RAIS WA CABO VERDE ASISITIZA UTAWALA BORA NA ULIPAJI FIDIA KWA AFRIKA KATIKA UFUNGUZI WA MWAKA MPYA WA MAHAKAMA YA AFRIKA JIJINI ARUSHA

-
Image
Rais wa Jamhuri ya Cabo Verde, Mhe. José Maria Pereira Neves, amezihimiza nchi za Afrika kuimarisha demokrasia na utawala bora ili kuepuka kurudia makosa ya kihistoria yaliyoletwa na ukoloni, ambayo hadi sasa yameziacha baadhi ya nchi zikiendelea kudai fidia. Mhe. Neves alitoa kauli hiyo alipokuwa mgeni rasmi katika ufunguzi wa Mwaka Mpya wa Mahakama ya Umoja wa Afrika ya Haki za Binadamu na Watu, hafla iliyofanyika jijini Arusha. Alionya kuwa migogoro inayoendelea kushuhudiwa barani Afrika inaathiri maendeleo ya kijamii, huku sababu kuu ikiwa ni ukosefu wa haki za binadamu na uongozi bora. “Naipongeza Mahakama ya Umoja wa Afrika ya Haki za Binadamu na Watu kwa kuchagua kaulimbiu inayosisitiza ulipaji wa fidia kama njia ya kuendeleza haki kwa watu wa Afrika. Hata hivyo, fidia ni zaidi ya malipo ya kifedha—ni mchakato wa uponyaji wa majeraha ya kihistoria. Hatutakiwi kuishia kulaani na kukemea tu, bali tunapaswa kuchukua hatua za kweli. Vinginevyo, vizazi vijavyo vitadai fidia si kwa wa...
Read more