MGOGORO MASHARIKI MWA DRC: JUMUIYA YA KIMATAIFA YALAUMIWA, MICHATO YA AMANI YAKWAMA, NA SERIKALI YAKOSOLEWA

-


Wakati jumuiya ya kimataifa na mataifa ya kanda yakihimiza kurejelewa kwa mazungumzo kati ya Kinshasa na Kigali, hali bado haijatatuliwa, hasa baada ya kufutwa kwa mkutano wa pande tatu mjini Luanda. Ingawa Kinshasa inaonekana kushikamana na mchakato huo, Rais wa Rwanda, Paul Kagame, amejitenga nao, akizidisha ukosoaji wake dhidi ya upatanishi unaoongozwa na Angola.


Baada ya waasi wa M23, wanaodaiwa kuungwa mkono na Rwanda, kuteka mji wa Goma na kupanua udhibiti wao katika Kivu Kaskazini, Jason Stearns, mkurugenzi wa Kikundi cha Utafiti cha Kongo (CSG), alitoa tathmini ya mgogoro huo mnamo Januari 31 2025.


JUMUIYA YA KIMATAIFA YANUFAISHA RWANDA


Stearns anaamini kuwa jumuiya ya kimataifa imekuwa na mtazamo wa kuridhika kuelekea Rwanda, hali ambayo imesababisha kuzorota kwa mgogoro huo.


“Tunapaswa kurudi nyuma kidogo katika historia ili kuelewa tumefikaje hapa. Katika mashambulizi ya M23 ya kwanza mwaka 2012-2013, wafadhili walipunguza msaada wa Rwanda kwa zaidi ya dola milioni 240 ndani ya miezi mitatu au minne. Hata hivyo, safari hii, licha ya ushahidi wa wazi wa kuhusika kwa Rwanda, msaada kwa Kigali bado umeendelea,” alisema Stearns.


Anaeleza kuwa Rwanda imechukua fursa ya kipindi cha mpito cha uchaguzi wa Marekani kuimarisha harakati zake Mashariki mwa DRC.


“Nchi iliyokuwa ikikosoa Rwanda vikali ilikuwa Marekani, ambayo tangu 2022 ilishutumu Kigali kwa kusaidia M23. Lakini sasa Marekani iko katika kipindi cha mpito cha kisiasa, na hali hiyo imefungua dirisha la fursa kwa Rwanda,” alisema Stearns.


MAKOSA YA KISERA NA UDAIFU WA SERIKALI


Mbali na lawama kwa jumuiya ya kimataifa, Stearns pia anakosoa utendaji wa serikali ya DRC na udhaifu wa jeshi lake katika kukabiliana na waasi wa M23.


“M23 ikisaidiwa na jeshi la Rwanda ina wapiganaji kati ya 10,000 na 12,000, huku Jeshi la DRC likiwa na wanajeshi takriban 120,000. Hata hivyo, kwa sababu ya matatizo ya kitaasisi, rushwa, na minyororo ya amri isiyoeleweka, jeshi la Kongo limejikuta likitegemea washirika wa nje badala ya kuimarisha uwezo wake wa ndani,” alisema Stearns.


Aliongeza kuwa majeshi ya SADC, pamoja na wanajeshi wa Afrika Kusini, Tanzania, na Malawi, yamekuwa yakishirikiana na vikosi vya DRC, lakini bado changamoto za kijeshi, kidiplomasia na kiutawala zimesababisha kuendelea kwa mzozo huo.


Stearns alisisitiza kuwa, licha ya uwepo wa MONUSCO na msaada wa kijeshi wa SADC, serikali ya DRC bado haijafanikiwa kurejesha udhibiti wa maeneo yaliyotekwa, huku wanamgambo wa wazalendo wakihamasishwa kushiriki kwenye mapambano.


MUSTAKABALI WA MGOGORO


Kutekwa kwa Goma na vikosi vya M23-AFC-RDF kunazidisha mgogoro wa usalama, kibinadamu na kiuchumi katika eneo hilo. Mapigano haya yameleta dhiki kwa raia wa Kivu Kaskazini, huku maelfu wakilazimika kukimbia makazi yao.


Rais Félix Tshisekedi ametangaza hatua za kijeshi kurejesha maeneo yaliyokaliwa, lakini wachambuzi wanaonya kuwa bila mageuzi makubwa ndani ya jeshi la DRC, na bila jumuiya ya kimataifa kuchukua msimamo mkali dhidi ya Rwanda, mgogoro huu utaendelea kwa muda mrefu zaidi.

Comments

Post a Comment

Popular posts from this blog

RAIS SAMIA AHIMIZA MALEZI BORA KWA WATOTO

-
Image
Waziri wa Mifugo na Uvuvi Mhe. Dkt. Ashatu Kijaji ametaka wazazi na walezi wa watoto kutekeleza vyema majukumu yao katika malezi ili shule ziwe na watoto wenye nidhamu na maadili kwa kuwaandaa kuwa wataalamu na viongozi. Waziri Mhe. Dkt. Kijaji amesema hayo tarehe (09.01.2024) wakati alipofanya ziara ya kikazi ya kutembelea, kukagua na kuweka mawe ya msingi ya miradi ya ujenzi ya madarasa na matundu ya vyoo katika shule za sekondari za Nyerere, Semkiwa, Makorola, na Foroforo zilizopo Wilaya ya Korogwe Mkoani Tanga. Amewakumbusha wazazi na walezi kufuata maelekezo ya Rais wa Jamhuri ya Muungano wa Tanzania Mhe. Dkt. Samia Suluhu Hassan kuchukua jukumu la kulea watoto kwa kusimama katika nafasi zao ili shule zinazojengwa zipate watoto wenye nidhamu na malezi bora. Waziri wa Mifugo na Uvuvi Mhe. Dkt. Ashatu Kijaji anafanya ziara ya kikazi ya siku tano Mkoani Tanga ambapo tayari amefanya ziara ya siku mbili katika Wilaya ya Lushoto na sasa yupo katika Wilaya ya Korogwe akimwakilisha Rais w...
Read more

SERIKALI YAHAKIKISHA USAFIRI BORA BRT AWAMU YA PILI

-
Image
 Serikali ya Tanzania inatarajia kupokea mabasi 250 yanayotumia gesi asilia (CNG) kutoka China ndani ya miezi mitatu ijayo, hatua inayofungua njia kwa kuanza kwa huduma za Usafiri wa Mabasi Yaendayo Haraka (BRT) Awamu ya Pili jijini Dar es Salaam. Mabasi haya yameundwa kwa teknolojia rafiki kwa mazingira, yakilenga kupunguza gharama za mafuta, kupunguza uzalishaji wa hewa ukaa, na kuimarisha ubora wa hewa katika jiji hilo. Hatua hii ni sehemu ya juhudi za Tanzania kuelekea mfumo wa usafiri wa umma unaoendana na maendeleo endelevu. Awamu ya Pili ya mradi wa BRT, iliyokamilika kwa gharama ya dola milioni 160, ilianza ujenzi mwaka 2019 na sasa imekamilika. Njia hii inahusisha kilomita 20.3, ikianzia Gerezani na kupitia Kivukoni hadi Kawawa Kusini. Mradi huu umefadhiliwa kwa ushirikiano wa Benki ya Maendeleo ya Afrika (AfDB) na Serikali ya Tanzania. Mkurugenzi Mtendaji wa DART, kwa kushirikiana na mamlaka husika, amepewa jukumu la kuhakikisha mabasi haya yanaanza kutoa huduma mara tu y...
Read more

RAIS WA CABO VERDE ASISITIZA UTAWALA BORA NA ULIPAJI FIDIA KWA AFRIKA KATIKA UFUNGUZI WA MWAKA MPYA WA MAHAKAMA YA AFRIKA JIJINI ARUSHA

-
Image
Rais wa Jamhuri ya Cabo Verde, Mhe. José Maria Pereira Neves, amezihimiza nchi za Afrika kuimarisha demokrasia na utawala bora ili kuepuka kurudia makosa ya kihistoria yaliyoletwa na ukoloni, ambayo hadi sasa yameziacha baadhi ya nchi zikiendelea kudai fidia. Mhe. Neves alitoa kauli hiyo alipokuwa mgeni rasmi katika ufunguzi wa Mwaka Mpya wa Mahakama ya Umoja wa Afrika ya Haki za Binadamu na Watu, hafla iliyofanyika jijini Arusha. Alionya kuwa migogoro inayoendelea kushuhudiwa barani Afrika inaathiri maendeleo ya kijamii, huku sababu kuu ikiwa ni ukosefu wa haki za binadamu na uongozi bora. “Naipongeza Mahakama ya Umoja wa Afrika ya Haki za Binadamu na Watu kwa kuchagua kaulimbiu inayosisitiza ulipaji wa fidia kama njia ya kuendeleza haki kwa watu wa Afrika. Hata hivyo, fidia ni zaidi ya malipo ya kifedha—ni mchakato wa uponyaji wa majeraha ya kihistoria. Hatutakiwi kuishia kulaani na kukemea tu, bali tunapaswa kuchukua hatua za kweli. Vinginevyo, vizazi vijavyo vitadai fidia si kwa wa...
Read more