WAKANDARASI WAJENGE BARABARA ZA TACTIC KWA WAKATI – MHANDISI MATIVILA

-


 

NAIBU Katibu Mkuu, Ofisi ya Rais – TAMISEMI anayeshughulikia Miundombinu, Mhandisi Rogatus Mativila, amewataka wakandarasi wanaojenga barabara za Engosheraton, Olasiti, na Oljoro jijini Arusha kuhakikisha zinakamilika kwa wakati ili kuwezesha maendeleo ya miundombinu katika jiji hilo.


Mhandisi Mativila alitoa agizo hilo wakati wa ziara yake kwenye barabara hizo, ambazo zinajengwa kupitia Mradi wa Kuboresha Miji (TACTIC) chini ya TARURA. Barabara hizo zina urefu wa kilomita 12.1 na thamani ya shilingi bilioni 15.4, lakini utekelezaji wake bado uko nje ya muda uliopangwa.


“Barabara hizi zinapaswa kuwa zimefikia asilimia 99 ya ujenzi, lakini hadi sasa kazi haijakamilika. Wakandarasi lazima wahakikishe mradi huu unakamilika ifikapo Juni mwaka huu,” alisema Mhandisi Mativila.


Aliongeza kuwa barabara ya Oljoro bado ipo nyuma kwa asilimia 35 kutokana na mabadiliko ya usanifu wake, kwani sasa imepandishwa hadhi kuwa barabara ya mkoa kutokana na uwepo wa stendi mpya ya mabasi inayojengwa katika eneo hilo.


“Barabara hii itakuwa kiunganishi muhimu cha barabara kuu inayokwenda Dodoma. Tunapaswa kuongeza kasi ya ujenzi, hasa kwa kuwa mvua zinatarajiwa kunyesha muda wowote,” aliongeza.


WAKANDARASI WASISITIZWE UBORA NA KASI


Mhandisi Mativila alisisitiza kuwa mradi huu wa barabara tatu unapaswa kukamilika haraka lakini kwa kuhakikisha ubora wake, kwani serikali imewekeza fedha nyingi kwa maendeleo ya miundombinu.


“Sijaridhika na hatua ya utekelezaji wa mradi huu. Changamoto zilizopo zinapaswa kurekebishwa haraka. Serikali haitakubali ucheleweshaji wa miradi muhimu kwa wananchi,” alisisitiza.


Kwa upande wake, Mhandisi John Benedict, msimamizi wa mradi kutoka kampuni ya Mhandisi Consultant Ltd, aliahidi kuwa barabara hizo zitakamilika ifikapo Juni mwaka huu na kwamba wataongeza nguvu kazi ili kuhakikisha kazi inakamilika kwa wakati.


Aidha, Mhandisi Sofa Edward kutoka Jiji la Arusha, ambaye anasimamia utekelezaji wa mradi huo, alibainisha kuwa watahakikisha wakandarasi wanamaliza kazi kwa muda uliopangwa ili wananchi wa kata husika waweze kufaidika na barabara hizo kwa urahisi wa usafiri na maendeleo yao.

Comments

Post a Comment

Popular posts from this blog

RAIS SAMIA AHIMIZA MALEZI BORA KWA WATOTO

-
Image
Waziri wa Mifugo na Uvuvi Mhe. Dkt. Ashatu Kijaji ametaka wazazi na walezi wa watoto kutekeleza vyema majukumu yao katika malezi ili shule ziwe na watoto wenye nidhamu na maadili kwa kuwaandaa kuwa wataalamu na viongozi. Waziri Mhe. Dkt. Kijaji amesema hayo tarehe (09.01.2024) wakati alipofanya ziara ya kikazi ya kutembelea, kukagua na kuweka mawe ya msingi ya miradi ya ujenzi ya madarasa na matundu ya vyoo katika shule za sekondari za Nyerere, Semkiwa, Makorola, na Foroforo zilizopo Wilaya ya Korogwe Mkoani Tanga. Amewakumbusha wazazi na walezi kufuata maelekezo ya Rais wa Jamhuri ya Muungano wa Tanzania Mhe. Dkt. Samia Suluhu Hassan kuchukua jukumu la kulea watoto kwa kusimama katika nafasi zao ili shule zinazojengwa zipate watoto wenye nidhamu na malezi bora. Waziri wa Mifugo na Uvuvi Mhe. Dkt. Ashatu Kijaji anafanya ziara ya kikazi ya siku tano Mkoani Tanga ambapo tayari amefanya ziara ya siku mbili katika Wilaya ya Lushoto na sasa yupo katika Wilaya ya Korogwe akimwakilisha Rais w...
Read more

SERIKALI YAHAKIKISHA USAFIRI BORA BRT AWAMU YA PILI

-
Image
 Serikali ya Tanzania inatarajia kupokea mabasi 250 yanayotumia gesi asilia (CNG) kutoka China ndani ya miezi mitatu ijayo, hatua inayofungua njia kwa kuanza kwa huduma za Usafiri wa Mabasi Yaendayo Haraka (BRT) Awamu ya Pili jijini Dar es Salaam. Mabasi haya yameundwa kwa teknolojia rafiki kwa mazingira, yakilenga kupunguza gharama za mafuta, kupunguza uzalishaji wa hewa ukaa, na kuimarisha ubora wa hewa katika jiji hilo. Hatua hii ni sehemu ya juhudi za Tanzania kuelekea mfumo wa usafiri wa umma unaoendana na maendeleo endelevu. Awamu ya Pili ya mradi wa BRT, iliyokamilika kwa gharama ya dola milioni 160, ilianza ujenzi mwaka 2019 na sasa imekamilika. Njia hii inahusisha kilomita 20.3, ikianzia Gerezani na kupitia Kivukoni hadi Kawawa Kusini. Mradi huu umefadhiliwa kwa ushirikiano wa Benki ya Maendeleo ya Afrika (AfDB) na Serikali ya Tanzania. Mkurugenzi Mtendaji wa DART, kwa kushirikiana na mamlaka husika, amepewa jukumu la kuhakikisha mabasi haya yanaanza kutoa huduma mara tu y...
Read more

RAIS WA CABO VERDE ASISITIZA UTAWALA BORA NA ULIPAJI FIDIA KWA AFRIKA KATIKA UFUNGUZI WA MWAKA MPYA WA MAHAKAMA YA AFRIKA JIJINI ARUSHA

-
Image
Rais wa Jamhuri ya Cabo Verde, Mhe. José Maria Pereira Neves, amezihimiza nchi za Afrika kuimarisha demokrasia na utawala bora ili kuepuka kurudia makosa ya kihistoria yaliyoletwa na ukoloni, ambayo hadi sasa yameziacha baadhi ya nchi zikiendelea kudai fidia. Mhe. Neves alitoa kauli hiyo alipokuwa mgeni rasmi katika ufunguzi wa Mwaka Mpya wa Mahakama ya Umoja wa Afrika ya Haki za Binadamu na Watu, hafla iliyofanyika jijini Arusha. Alionya kuwa migogoro inayoendelea kushuhudiwa barani Afrika inaathiri maendeleo ya kijamii, huku sababu kuu ikiwa ni ukosefu wa haki za binadamu na uongozi bora. “Naipongeza Mahakama ya Umoja wa Afrika ya Haki za Binadamu na Watu kwa kuchagua kaulimbiu inayosisitiza ulipaji wa fidia kama njia ya kuendeleza haki kwa watu wa Afrika. Hata hivyo, fidia ni zaidi ya malipo ya kifedha—ni mchakato wa uponyaji wa majeraha ya kihistoria. Hatutakiwi kuishia kulaani na kukemea tu, bali tunapaswa kuchukua hatua za kweli. Vinginevyo, vizazi vijavyo vitadai fidia si kwa wa...
Read more