RAIS DKT. SAMIA KUANDIKA HISTORIA KWA KUPATA TUZO YA KIMATAIFA KWA MAFANIKIO MAKUBWA KATIKA SEKTA YA AFYA

-


Rais wa Jamhuri ya Muungano wa Tanzania, Dkt. Samia Suluhu Hassan, anatarajiwa kupokea tuzo ya kimataifa ya The Gates Goalkeepers Award, ikiwa ni ishara ya kutambua mafanikio makubwa aliyoyapata katika uongozi wake, hususan katika kupunguza vifo vya akina mama vitokanavyo na uzazi.


Kwa mujibu wa ripoti ya utafiti wa Demografia na Afya ya mwaka 2022, Tanzania imefanikiwa kupunguza vifo vya uzazi kwa asilimia 80, mafanikio yanayoifanya kuwa moja ya nchi zinazopiga hatua kubwa katika kuboresha afya ya mama na mtoto.


Akizungumza jijini Dar es Salaam Februari 3, 2025, Waziri wa Afya, Mhe. Jenista Mhagama, alisema kuwa tukio hilo la utoaji wa tuzo linaloratibiwa na Taasisi ya The Gates Foundation litafanyika kwa mara ya kwanza nje ya Marekani, na Tanzania imepewa heshima ya kuwa mwenyeji. Rais Samia Suluhu Hassan anakuwa kiongozi wa kwanza barani Afrika kupokea tuzo hiyo, hatua inayodhihirisha kutambuliwa kwa mchango wake mkubwa katika maendeleo ya sekta ya afya na ustawi wa jamii.


“Hii ni heshima kubwa kwa Tanzania. Mataifa makubwa duniani yametambua juhudi za Rais Samia katika kuimarisha sekta ya afya, hasa kupitia mikakati madhubuti inayowezesha upatikanaji wa huduma bora kwa akina mama na watoto,” alisema Waziri Mhagama.


Alieleza kuwa mafanikio haya yamechangiwa na uongozi imara wa Rais Samia, ambao umeweka mazingira wezeshi ya kisera, kuongeza rufaa za akina mama na watoto, pamoja na kuboresha miundombinu ya huduma za afya kwa kiwango kikubwa.


“Rais Samia ameongeza bajeti ya sekta ya afya ili kuhakikisha upatikanaji wa dawa, vifaa tiba, na huduma za dharura kwa kina mama wajawazito. Kupitia jitihada zake, zaidi ya vituo 530 vya upasuaji wa dharura kwa ajili ya kujifungua vimejengwa nchini, hatua ambayo imeokoa maisha ya maelfu ya akina mama na watoto wachanga,” alifafanua Waziri Mhagama.


Aidha, Waziri alitoa pongezi kwa Taasisi ya The Gates Foundation kwa kutambua jitihada za serikali ya Tanzania katika mapambano dhidi ya vifo vya akina mama, watoto wachanga, na watoto walio chini ya miaka mitano.


“Tunampongeza kwa dhati Amiri Jeshi Mkuu, Rais Dkt. Samia Suluhu Hassan, kwa uongozi wake thabiti katika kuhakikisha afya ya mama na mtoto inaboreshwa. Tanzania ina kila sababu ya kujivunia juhudi hizi ambazo zimeipeleka nchi yetu kwenye ramani ya dunia kwa mafanikio makubwa,” alisema Waziri Mhagama.


Tuzo ya The Gates Goalkeepers Award ni moja ya tuzo zenye hadhi ya juu zinazotolewa kila mwaka kwa viongozi na watu mashuhuri duniani waliotoa mchango mkubwa katika kufanikisha Malengo ya Maendeleo Endelevu (SDGs) ya Umoja wa Mataifa. Upokeaji wa tuzo hii unazidi kuiweka Tanzania katika nafasi ya kimataifa kama nchi inayopiga hatua kubwa katika sekta ya afya na ustawi wa jamii.

Comments

Post a Comment

Popular posts from this blog

RAIS SAMIA AHIMIZA MALEZI BORA KWA WATOTO

-
Image
Waziri wa Mifugo na Uvuvi Mhe. Dkt. Ashatu Kijaji ametaka wazazi na walezi wa watoto kutekeleza vyema majukumu yao katika malezi ili shule ziwe na watoto wenye nidhamu na maadili kwa kuwaandaa kuwa wataalamu na viongozi. Waziri Mhe. Dkt. Kijaji amesema hayo tarehe (09.01.2024) wakati alipofanya ziara ya kikazi ya kutembelea, kukagua na kuweka mawe ya msingi ya miradi ya ujenzi ya madarasa na matundu ya vyoo katika shule za sekondari za Nyerere, Semkiwa, Makorola, na Foroforo zilizopo Wilaya ya Korogwe Mkoani Tanga. Amewakumbusha wazazi na walezi kufuata maelekezo ya Rais wa Jamhuri ya Muungano wa Tanzania Mhe. Dkt. Samia Suluhu Hassan kuchukua jukumu la kulea watoto kwa kusimama katika nafasi zao ili shule zinazojengwa zipate watoto wenye nidhamu na malezi bora. Waziri wa Mifugo na Uvuvi Mhe. Dkt. Ashatu Kijaji anafanya ziara ya kikazi ya siku tano Mkoani Tanga ambapo tayari amefanya ziara ya siku mbili katika Wilaya ya Lushoto na sasa yupo katika Wilaya ya Korogwe akimwakilisha Rais w...
Read more

SERIKALI YAHAKIKISHA USAFIRI BORA BRT AWAMU YA PILI

-
Image
 Serikali ya Tanzania inatarajia kupokea mabasi 250 yanayotumia gesi asilia (CNG) kutoka China ndani ya miezi mitatu ijayo, hatua inayofungua njia kwa kuanza kwa huduma za Usafiri wa Mabasi Yaendayo Haraka (BRT) Awamu ya Pili jijini Dar es Salaam. Mabasi haya yameundwa kwa teknolojia rafiki kwa mazingira, yakilenga kupunguza gharama za mafuta, kupunguza uzalishaji wa hewa ukaa, na kuimarisha ubora wa hewa katika jiji hilo. Hatua hii ni sehemu ya juhudi za Tanzania kuelekea mfumo wa usafiri wa umma unaoendana na maendeleo endelevu. Awamu ya Pili ya mradi wa BRT, iliyokamilika kwa gharama ya dola milioni 160, ilianza ujenzi mwaka 2019 na sasa imekamilika. Njia hii inahusisha kilomita 20.3, ikianzia Gerezani na kupitia Kivukoni hadi Kawawa Kusini. Mradi huu umefadhiliwa kwa ushirikiano wa Benki ya Maendeleo ya Afrika (AfDB) na Serikali ya Tanzania. Mkurugenzi Mtendaji wa DART, kwa kushirikiana na mamlaka husika, amepewa jukumu la kuhakikisha mabasi haya yanaanza kutoa huduma mara tu y...
Read more

RAIS WA CABO VERDE ASISITIZA UTAWALA BORA NA ULIPAJI FIDIA KWA AFRIKA KATIKA UFUNGUZI WA MWAKA MPYA WA MAHAKAMA YA AFRIKA JIJINI ARUSHA

-
Image
Rais wa Jamhuri ya Cabo Verde, Mhe. José Maria Pereira Neves, amezihimiza nchi za Afrika kuimarisha demokrasia na utawala bora ili kuepuka kurudia makosa ya kihistoria yaliyoletwa na ukoloni, ambayo hadi sasa yameziacha baadhi ya nchi zikiendelea kudai fidia. Mhe. Neves alitoa kauli hiyo alipokuwa mgeni rasmi katika ufunguzi wa Mwaka Mpya wa Mahakama ya Umoja wa Afrika ya Haki za Binadamu na Watu, hafla iliyofanyika jijini Arusha. Alionya kuwa migogoro inayoendelea kushuhudiwa barani Afrika inaathiri maendeleo ya kijamii, huku sababu kuu ikiwa ni ukosefu wa haki za binadamu na uongozi bora. “Naipongeza Mahakama ya Umoja wa Afrika ya Haki za Binadamu na Watu kwa kuchagua kaulimbiu inayosisitiza ulipaji wa fidia kama njia ya kuendeleza haki kwa watu wa Afrika. Hata hivyo, fidia ni zaidi ya malipo ya kifedha—ni mchakato wa uponyaji wa majeraha ya kihistoria. Hatutakiwi kuishia kulaani na kukemea tu, bali tunapaswa kuchukua hatua za kweli. Vinginevyo, vizazi vijavyo vitadai fidia si kwa wa...
Read more